En Marea insta o Goberno do Estado a non autorizar a ampliación da depuradora dos Praceres
Por Oskar Viéitez
A parlamentaria do grupo de En Marea no Congreso dos Deputados, Yolanda Díaz, conxuntamente con Antón Gómez Reino e Angela Rodríguez, presentou unha proposición non de lei instando ao goberno de Pedro Sánchez a non autorizar a ampliación da EDAR dos Praceres e a comezar os traballos de recuperación da marisma de Lourizán.
Desde En Marea consideran que "non é lóxico profundar no erro de maltratar un paraíso natural único, en lugar de comezar a pensar en como recuperalo".
Ademais, sinalan que a citada ampliación está pensada para enviar as augas residuais, unha vez decantadas, ao medio da ría de Pontevedra, e contempla que as vivendas dos concellos limítrofes de Poio e Marín sigan utilizando esta instalación "en lugar de buscar alternativas viables nos seus respectivos territorios".
Os membros de En Marea lembran que a actual depuradora "non conta coas autorizacións específicas para estar en dominio público marítimo terrestre e mantén as augas con peor calidade de toda a costa española".
Relacionadas:
-
Marea Marín presenta o tramo inicial da súa candidatura para as eleccións de maio
Por Redacción |
-
Lidia Senra tamén levará ao Parlamento Europeo a ampliación da EDAR dos Praceres
Por Redacción |
-
Lourizán acusa á Xunta de facer "chantaxe" co posible peche da ría ao marisqueo
Por Redacción |
-
Respaldo unánime a converter o antigo campo de fútbol de Praceres en zona deportiva e de lecer
Por Alejandro Espiño & Mónica Patxot |
-
Augas de Galicia fixa no "horizonte" de 2023 a ampliación da depuradora
Por Alejandro Espiño |
-
A Plataforma de Lourizán pide un parque público nos Praceres con infraestruturas deportivas
Por Oskar Viéitez |