A cociña pontevedresa renova as súas cinco 'estrelas Michelin'
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
![](/web/cache/scene/uploads/fotos/foto/887/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/557ec2e21d-20141218-patxot-pepe-solla-280.jpg)
© Mónica Patxot
![](/web/cache/scene/uploads/fotos/foto/b6b/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5609375d48-53c067a3d7-dsc_0209.jpg)
CC BY-NC-SA PontevedraViva
Un ano máis, a cociña pontevedresa logra case a metade das estrelas Michelin concedidas a restaurantes de Galicia. Os cinco establecementos que contaban con este distintivo de calidade lograron renovar este recoñecemento.
Así, Javier Olleros (Culler de Pau, O Grove) e Pepe Solla (Casa Solla, Poio), aos que moitos vían alcanzando a súa segunda estrela, terán que esperar para subir un banzo máis.
En todo caso, repiten galardón xunto a Pepe Vieira (Camiño da Serpe, Poio), Yayo Daporta (Yayo Daporta, Cambados) e Rafa Centeno e Inés Abril (Maruja Limón, Vigo).
Galicia, en total, mantén as súas once estrelas Michelín, xa que o peche do restaurante Alborada, na Coruña, compénsase coa incorporación do restaurante A Tafona, que rexenta a cociñeira Lucía Freitas en Santiago.
A lista complétase con Árbore da Veira (A Coruña), As Garzas (Malpica), Retiro da Costiña (Santa Comba), Nova Restaurante (Ourense) e Casa Marcelo (Santiago).
As estrelas Michelin entregáronse nunha gala que, por vez primeira, celebrouse fóra de España. Os novos ocupantes do Olimpo culinario déronse cita en Lisboa.