Manuel Pazos, escollido como candidato socialista á alcaldía de Marín
Por Redacción
O candidato do PSOE para as vindeiras eleccións municipais en Marín será Manuel Pazos Lamoso, tras impoñerse nas primarias, que se desenvolvían este domingo, á actual voceira do grupo municipal, Luz Santiago.
Pazos obtiña 27 votos (56%) fronte ás 21 papeletas (43%) da súa contrincante. Dos 58 afiliados que os socialistas teñen en Marín, acudiron a votar 48.
O candidato escollido xa formou parte da corporación como concelleiro de Parques e Xardíns durante os anos de goberno do socialista Francisco Veiga. O seu obxectivo é impulsar á agrupación política na vila e intentar desbancar da alcaldía á popular María Ramallo.