O Museo custodia 21 obras de Carlos Maside a petición da familia do artista
Por Redacción
A Deputación de Pontevedra recibeu hoxe, a petición da familia do pintor Carlos Maside, o albergue e custodia de 21 cadros da colección do artista que permanecían no Museo Quiñones de León de Vigo.
O Museo de Pontevedra albergará e custodiará a devandita colección ata que a familia do pintor concrete e ultime as negociacións que tén en marcha con distintas institucións e entidades públicas e privadas para a venta ou depósito dos vintaún cadros.
As obras recibidas hoxe no Museo de Pontevedra levan por título: Muller sentada, Autorretrato, A res, Duas paisanas, Mercado, Lavandeiras, Costureiras, Tenda, Paisaxe, Cacharreira, Rapaz e xantar, Bodegón con pan (pementos verdes), Cesto e froiteiro de cristal, Xardas, Flores e buguina e Retratos infantís (conxunto de 6).