Outono Rupestre nas Terras de Pontevedra
Terras de Pontevedra organiza o Outono Rupestre, actividades culturais vinculadas á arte rupestre nos catro centros de interpretación localizados na Mancomunidade Terras de Pontevedra:
- Parque Arqueolóxico de Campo Lameiro
- Centro Arqueolóxico de Tourón
- Centro de Interpretación dos Labirintos de Mogor
ACTIVIDADES PARA TODOS OS PÚBLICOS
As actividades, obradoiros familiares de pintura rupestre e visitas nocturnas celébranse nas fins de semana de novembro e decembro, entre o 3 de novembro e o 8 de decembro, nos seguintes horarios:
- Os obradoiros, ás 11:00, 13:00 e 16:00
- As visitas nocturnas, sempre ás 18:00
Xa se levaron a cabo as actividades no PAAR de Campo Lameiro cunha importante afluencia de público.
Esta semana, a cita será en Tourón, Ponte Caldelas.
Os obradoiros realizaranse na Casa do Pobo de Tourón e a visita nocturna no Centro de Interpretación de Tourón.
CALENDARIO DAS VINDEIRAS ACTIVIDADES
- Centro Arqueolóxico de Tourón (Ponte Caldelas): 10, 11 e 17 de novembro
- Área Arqueolóxica da Caeira (Poio): 18, 24 e 25 de novembro
- Centro de Interpretación dos Labirintos de Mogor (Marín): 1, 2 e 8 de decembro
Para participar no Outono Rupestre é preciso inscribirse previamente: 886151195 ou no enderezo electrónico: outonorupestre@gmail.com
O Outono Rupestre complétase cunha xornada técnica, aberta ao público xeral, que versará sobre os petróglifos e o turismo: Petróglifos turísticos de Terras de Pontevedra.
Esta xornada celebrarase en Pontevedra, na Casa da Luz o 30 de novembro, na que catro expertos falarannos en horario de 9:30 a 14:00.
Todas as actividades son de balde.