Rafa Domínguez fixa "cinco líneas maestras" para apoiar o orzamento municipal de 2019
Por Alejandro Espiño
O Partido Popular ten claras as "cinco lineas maestras" que consideran "fundamentales" para un hipotético apoio ao orzamento de 2019, cuxo borrador ultima estes días o goberno municipal. Non son, segundo o seu portavoz, "líneas rojas", xa que segundo Rafa Domínguez "todo es discutible y negociable".
O líder dos populares asegura estar "dispuesto" a negociar co BNG os orzamentos, ao entender que poderían ser as contas coas que o PP tería que gobernar se gaña as próximas eleccións municipais.
Iso si, Domínguez teme que o documento sobre o que está a traballar o BNG de Lores "va a ser continuista" e cualificou os orzamentos municipais do BNG de "ciencia ficción".
O goberno local, o ano pasado, "sólo ejecutó el 40% de las inversiones previstas", o que segundo o portavoz do PP, quere dicir que "prometen obras pero no llegan a cumplir ni la mitad" e, ademais, piden créditos aos bancos "que luego no utiliza".
Entre as súas medidas, o candidato popular solicita unha partida de 300.000 euros para a adhesión de Pontevedra ao Plan de Transporte Metropolitano que impulsa a Xunta de Galicia e unha partida de 500.000 euros para a elaboración dun Plan Estratéxico de Emprego.
Ademais, considera necesario destinar polo menos 300.000 euros para a elaboración do novo PXOM, un plan de actuacións urxentes no rural dotado duns 500.000 euros e unha baixada "significativa" de impostos, para a que suxire unha redución do 10% no IBI e a viñeta, algo que sería "asumible y aceptable".
Relacionadas:
-
Marea facilitará a aprobación do orzamento municipal coa súa abstención
Por Alejandro Espiño |
-
A débeda de Pontevedra, no seu nivel máis baixo desde 1991
Por Alejandro Espiño |
-
Unha piscina pública ao aire libre, proposta estrela de Rafa Domínguez para Monte Porreiro
Por Redacción |
-
Cidadáns non negociará co BNG os orzamentos municipais de Pontevedra
Por Redacción |
-
O orzamento de Pontevedra para 2019 superará os 76 millóns de euros
Por Alejandro Espiño |
-
O PP promete un plan de emprego, un novo PXOM, crear chan industrial e unha baixada de impostos
Por Oskar Viéitez |