A mal tempo, artesanía no pavillón municipal de Ponte Caldelas
Por Redacción
A choiva non foi un impedimento para a celebración este domingo en Ponte Caldelas da terceira edición da Feira de Artesanía.
Baixo teito, no pavillón municipal, déronse cita ata 35 artesáns chegados desde diferentes puntos de Galicia.
Oficios tradicionais como a elaboración de zocos, cerámica ou obxectos de vidro compartiron espazo con propostas gastronómicas como a cervexa artesá ou produtos do Bierzo, entre outras opcións.
A xornada completouse coa animación musical de As Sete Faixas e Os Xeitosos da Insua, ademais de con un posto de empanadas e bebidas.