Cerdedo-Cotobade quere renovar a rede municipal de pistas
Por Redacción
O Concello de Cerdedo-Cotobade vén de activar a parte central do Plan de Vías Municipais 2018-2019 cun total de 38 obras que beneficiarán a dez parroquias de Cotobade e cinco de Cerdedo e nas que se investirán case 1,38 millóns de euros.
Este proxecto global permitirá que, entre o presente segundo semestre de 2018 e o arranque do vindeiro ano, se poñan en marcha doce grandes actuacións.
En canto aos proxectos a desenvolver, figuran as pavimentacións en San Xurxo, Cutián, Viascón e Santa María (160.575 euros), pavimentacións, cunetas e canalizacións nas Lagoas, Carballedo, Valongo, Famelga e Loureiro (145.650), mellora de camiños en Loureiro, Vilar, Pozo Negro, Costa, Parada de Tenorio e Vila de Abaixo (121.000), mellora das pistas de Arrotea e Limeres (125.575) ou obras en Esbarrela, capela de San Antonio, Vilar, Viduído e Vilarchán (120.602).
Ademais, a eles súmanse a mellora viaria en oito pistas de Tenorio, Calvelo e Parada (250.000), Casanova e O Quinteiro (40.000), actuacións en Barro, Chamadoira e outros (120.000), novo acceso ao colexio de Carballedo (60.000), ensanchamento interno en Vilanova (45.000), accesos a Limeres e á potabilizadora de Cerdedo (94.738) e ensanchamento do Camiño do Quinteiro, en Tomonde (100.481).
O presidente municipal, Jorge Cubela, destacou a "capacidade de xestión" do goberno local para conseguir "unha cifra récord para as pistas municipais que nos permitirá impulsar o plan viario máis ambicioso da nosa historia e que deixará as nosas estradas en óptimas condicións".
Relacionadas:
-
Cerdedo-Cotobade programa o inicio de obras en seis pistas
Por Redacción |
-
Obras de seguridade viaria e un parque infantil integran o plan parroquial de Valongo
Por Redacción |
-
Cerdedo Cotobade mellora os accesos viarios na aldea de Cuiña
Por Redacción |
-
Avanza a mellora integral de vías e de servizos en Parada de Tenorio
Por Oskar Viéitez |
-
Figueroa loce un renovado campo da festa con aparcadoiro
Por Redacción |