A alcaldesa de Marín, María Ramallo, publicou un bando sobre a limpeza e ornato nos cemiterios municipais, para a celebración do Día de Defuntos. 

Os propietarios de edificacións mortuorias e terreos nos cemiterios municipais poden realizar as tarefas de limpeza e amaño ata o 1 de novembro, sen necesidade de obter licenza municipal nin de pagar as taxas correspondentes.

A visita ao recinto poderá realizarse, respectando as normas establecidas ao efecto, durante o horario de apertura habitual, que os días 31 e 1 verase ampliado de 8.00 a 20.00 horas. 

O bando tamén recorda que dentro dos cemiterios municipais os usuarios e visitantes "deberán manter en todo momento o respecto axeitado aos demais usuarios e visitantes así como ás características do recinto".