Gonzalo Durán non se arrepinte de chamar "chacha para todo" a Silva e demanda á Deputación por "malversación"
Por Redacción
Acompañado polos seus concelleiros do equipo de goberno; pola alcaldesa de Moraña, Luisa Piñeiro; polo portavoz do PP na Deputación Provincial, Ángel Moldes e por varios representantes populares en concellos do Salnés como Salomé Peña ou Luis Aragunde, o alcalde de Vilanova de Arousa, Gonzalo Durán, comparecía este venres ante numerosos medios de comunicación de ámbito local, autonómico e nacional para reiterar as súas declaracións sobre a presidenta da Deputación, Carmela Silva, á que cualificara de "chacha para todo".
"Si lo sé, lo hacemos en el Pabellón de Deportes que tiene 3.000 personas de aforo", bromeaba o rexedor.
O alcalde indicou que se alegraba de que se presentara unha demanda por esas declaracións desde a Deputación Provincial e afirma que non quere pronunciarse sobre ese tema ata que ditamine o xuíz. Con todo, Durán manifestou que non se arrepinte das declaracións efectuadas e manifestou que conta co apoio do seu partido: "Yo creo en la libertad de expresión, y no me arrepiento de nada".
Non avaliou que Alberto Núñez Feijóo, presidente da Xunta, cualificase a frase como "desacertada" e convidou o Partido Socialista a promover unha moción de censura se desexa que abandone a presidencia da Mancomunidade do Salnés.
O rexedor indica que se ve apoiado tamén polos seus veciños, dos que recibiu numerosas mensaxes estes días en contra de Carmela Silva e que tivo que eliminar do móbil. En canto á concentración organizada polo Servizo de Igualdade contra as manifestacións machistas dixo que era un acto democrático que lle parecía ben aínda que non lle gustaron os insultos.
Pero a súa intervención foi, sobre todo, para criticar ao goberno bipartito da Deputación Provincial ao que acusou de desviar 30 millóns de euros dos concellos pequenos para realizar investimentos en Vigo, cidade na que é concelleira Carmela Silva. Iso supuxo que a entidade provincial non realice as melloras da estrada de Baión nin a piscina municipal de Vilanova de Arousa, segundo comentou.
E ante esta situación, Gonzalo Durán afirma que está na vía do penal o trámite de dúas demandas contra o goberno da Deputación por "malversación de fondos públicos". Indicou que todo o tema sobre as súas declaracións é unha cortina de fume do Partido Socialista por estas demandas presentadas contra os dirixentes da Deputación en defensa dos veciños de Vilanova.
Relacionadas:
-
Regades responde a Feijóo: "Non se pode normalizar os insultos a unha muller"
Por Redacción |
-
Gonzalo Durán reafírmase en chamar "chacha para todo" a Carmela Silva por facer o "traballo sucio" a Abel Caballero
Por Natalia Puga & Mónica Patxot |
-
A xuíza cita como investigado a Gonzalo Durán por chamar "chacha para todo" a Carmela Silva
Por Oskar Viéitez |
-
O PSOE non participará na Mancomunidade do Salnés mentres o alcalde do "chacha para todo" sexa presidente
Por Redacción |
-
Gonzalo Durán denunciará á Deputación pola vía penal e advirte que "alguno podría acabar en la cárcel"
Por Oskar Viéitez |
-
Dura sentenza contra o Concello de Vilanova pola súa denuncia contra o Plan de Reequilibrio
Por Oskar Viéitez |
-
O PP pedirá unha comisión que investigue os motivos das demandas xudiciais dos concellos contra a Deputación
Por Oskar Viéitez |
-
O BNG de Moraña considera "bochornoso" o apoio de Luisa Piñeiro á "actitude machista" do alcalde de Vilanova
Por Redacción |
-
Moraña mellorará pistas das parroquias con 130.000 euros do Plan Concellos da Deputación
Por Redacción |
-
Masiva concentración contra os comportamentos e ataques machistas
Por Redacción & Mónica Patxot |
-
Núñez Feijóo ve "desacertado" ter chamado "chacha para todo" a Carmela Silva
Por Alejandro Espiño |
-
O goberno da Deputación demanda a Gonzalo Durán por incitación ao odio e pide a súa dimisión como alcalde
Por Anxo Lourido |
-
En Marea e BNG únense ás peticións de dimisión do alcalde de Vilanova
Por Diego Espiño |
-
Carmela Silva, farta "de que se nos ataque polo simple feito de ser mulleres"
Por Diego Espiño |
-
VÍDEO.- Piden a dimisión do alcalde de Vilanova tras chamar "chacha para todo" á presidenta da Deputación
Por Diego Espiño |