O novo campo de fútbol de Gatomorto empeza a tomar forma
Por Redacción
As obras de construción dun novo campo de fútbol en Santa María de Xeve, no lugar de Gatomorto, avanzan a bo ritmo, segundo comprobaron membros do goberno local co alcalde á cabeza nunha visita aos traballos realizada este mércores 3 de outubro.
A empresa adxudicataria das obras, Covsa, conta aínda con catro meses de prazo para finalizalas, pero xa se empeza a debuxar a nova infraestrutura coa edificación dos vestiarios, almacéns e cantina, así como o terreno de xogo raseado.
Este proxecto supón un investimento de 859.953,23 euros.
O terreo de xogo de Gatomorto será de 105x63 metros, o que permitirá habilitar un campo de fútbol 11 ao longo e dous de fútbol 7 ao ancho. Esta previsto ademais que conte con catro vestiarios para xogadores e dous para árbitros, enfermería, botiquín e almacén.
Trátase do terceiro campo municipal de herba sintética que se atopa actualmente en execución, xunto aos de Ponte Sampaio e Campañó, mentres que o previsto en Salcedo está en fase de elaboración do proxecto.
Relacionadas:
-
O Concello recibe esta semana o campo de herba sintética de Santa María de Xeve que xa está rematado
Por Redacción |
-
As obras de remodelación integral do campo de fútbol de Campañó, en marcha
Por Diego Espiño |
-
VÍDEO.- Lores exhibe as súas habilidades futbolísticas no novo campo de Cerponzóns
Por Diego Espiño |
-
COVSA construirá o campo de fútbol de Gatomorto
Por Alejandro Espiño |