As obras de remodelación integral do campo de fútbol de Campañó, en marcha
Por Diego Espiño
Co inicio de mes a empresa adxudicataria da remodelación integral do campo de fútbol de Campañó iniciou os traballos para crear no lugar unha instalación de herba sintética de última xeración.
A maquinaria empezou a despexar o terreo e os operarios para desmontar os vestiarios, aínda que a presenza de amianto na cuberta retardará esta tarefa uns días.
"Supón un investimento dun millón e ademais vai ser unha obra moi significativa na parroquia. Vamos a facer aquí un novo núcleo de centralidade xa que é tamén a entrada ao parque da Tomba", explicou o concelleiro Demetrio Gómez nunha visita ao lugar realizada este martes coa edil de Deportes, Anxos Riveiro.
O novo campo de fútbol " vai ter as medidas máximas que dá", sinalou Demetrio Gómez, que son 95x53 metros xa que se atopa encaixonado contra un terraplén.
O seu prazo de execución é de seis meses, data na que desde o goberno local esperan que tamén estean xa en funcionamento os campos de Ponte Sampaio e Gato Morto, en Xeve, uníndose á instalación xa en funcionamento en Cerponzóns.
Relacionadas:
-
Recepción aos arquitectos Santos & Mera tralo seu premio internacional polo campo de fútbol de Campañó
Por Mónica Patxot & María José Pita |
-
O campo de fútbol de Campañó, finalista nos Premios FAD de Arquitectura e Interiorismo
Por Alejandro Espiño |
-
O novo campo de fútbol de Gatomorto empeza a tomar forma
Por Redacción |
-
VÍDEO.- Lores exhibe as súas habilidades futbolísticas no novo campo de Cerponzóns
Por Diego Espiño |