A reforma do último tramo de Benito Corbal interesa a 22 empresas
Por Alejandro Espiño
O Concello de Pontevedra recibiu 22 ofertas de empresas interesadas en reformar o último tramo de Benito Corbal, desde a rúa Sagasta ata a Praza do Hospital.
A mesa de contratación xa abriu estas propostas, que están sendo estudadas polos técnicos municipais.
As compañías que presentaron oferta son Ediserpo, Montajes Iglesias, Construcciones Abilleira, Naturgalia, COVSA, Construcciones Fechi, ACEVI, EC Casas, Narom, Obras y saneamientos de Galicia, Movimientos de áridos y construcciones de Arosa, Sestrama-Ibérica, Construmax de Contratas ou Explotacións medioambientais.
Tamén optan a este contrato BCNOR Gestión y Soluciones avanzadas, Sergonsa Sevicios, Fevisa Vías y Obras, Nexia Infraestruturas, Obras, Reformas y Saneamientos, Construcciones Ramírez, Elsamex e Xestión Ambiental de Contratas.
A actuación ten un orzamento de 218.000 euros e un prazo de execución de catro meses.
O proxecto prevé ampliar os espazos peonís, mellorar a mobilidade e seguridade das persoas e garantir o tráfico de servizos.
Desbotada a plataforma única, óptase por un deseño que inclúe a ampliación de beirarrúas, que pasarán de 3 a 4 metros de ancho, a supresión de prazas de aparcamento libres e a creación de prazas de servizos na marxe dereita da rúa.
Relacionadas:
-
As obras de Benito Corbal atrásanse para evitar o Nadal e o inicio das rebaixas
Por Alejandro Espiño |
-
Benito Corbal estará completamente reformada nun prazo de catro meses
Por Alejandro Espiño |
-
As obras de reforma de Lepanto comezarán antes de que remate o ano
Por Alejandro Espiño |
-
Unha pequena praza no cruzamento con Benito Corbal completará a reforma de Lepanto
Por Alejandro Espiño |
-
A de Benito Corbal será unha intervención "lixeira": custará 218.000 euros
Por Alejandro Espiño |
-
Benito Corbal terá beirarrúas máis anchas e menos aparcamentos libres
Por Alejandro Espiño |