Cuntis e Bueu reciben achegas da Deputación para a redacción dun plan de mobilidade sustentable
Por Redacción
A Deputación de Pontevedra, a través do departamento de Mobilidade, vén de dar o visto bo á concesión de achegas económicas aos concellos de Cuntis e Bueu para que redacten un Plan de Mobilidade Sustentable.
No caso de Cuntis a subvención é de 9.000 euros e 20.000 euros serán para que Bueu elabore este documento.
Segundo asegura o deputado Uxío Benítez, este plan servirá como ferramenta para decidir sobre as melloras na rede de estradas e espazos públicos, optimizar recursos e actuacións nas súas infraestruturas viarias, e incluso acceder, no seu caso, a fondos europeos de mobilidade.
Agora os gobernos locais deberán redactar e presentar o seu plans nun prazo de 12 meses, para logo ser valorados polo persoal técnico do departamento provincial de Mobilidade.
Deste xeito, Cuntis e Bueu pasan a formar parte do grupo de 41 concellos de menos de 50.000 habitantes que se repartiron un importe de 570.000 euros na convocatoria de subvencións da Deputación para fomentar a mobilidade sustentable.
Relacionadas:
-
Cuntis convoca á veciñanza a participar nos obradoiros do Plan de Mobilidade Sustentable
Por Redacción |
-
A Deputación achega fondos para a senda peonil polo río da Patela
Por Redacción |
-
A Deputación destina un millón e medio de euros á construción dos novos lombos e redutores de velocidade
Por Redacción |