O Gran Wyoming tamén le PontevedraViva
Por Oskar Viéitez
Ao Consello Regulador da Denominación de Orixe Mexillón de Galicia non lle gustaron as bromas sobre a mascota de La Vuelta feitas polo programa de La Sexta, El intermedio que conduce o Gran Wyoming.
Todo empezou cun chiste cando se falaba do caso Gurtel, en concreto, o programa de La Sexta indicaba como o PP quería formar parte da acusación particular da trama de corrupción pero sen asumir ningún tipo de responsabilidade na mesma, o que levou ao Gran Wyoming a facer o seguinte comentario comentario "eso es como si los responsables de La Vuelta ciclista a España no se quisieran responsabilizar de la mierda de mejillón que han elegido como mascota este año y le pidieran daños y perjuicios al que lo ha dibujado".
E engadiu "ese hombre es inocente, su único delito es no tener ningún amigo que le dijera: por favor si vas a dibujar montada en bicicleta elige un animal que tenga patas".
Para ilustrar a información sobre a mascota citábase a información de PontevedraViva.
A broma continuou no programa do xoves, e de novo coas imaxes de PontevedraViva como referencia "¿Cómo puede un animal tan hermoso convertirse en algo tan feo?, muy sencillo porque en realidad no es un mejillón es naranjito con un casco".
"Si lo que quieren es que digamos que esta mierda de mascota es bonita no lo van a conseguir ¡Somos un programa libre, no nos doblegaremos ante los intereses del lobby mejillonero!" Na páxina web do programa pódese ver o momento no corte número 5