Bueu adxudica as obras da piscina e proxecta tres novas actuacións na vila
Por Redacción
A empresa Obras y Servicios Gómez Crespo serán quen execute as obras de construción na nova piscina municipal de Bueu, que estará situada na zona das Lagoas.
Así o acordou o pleno da corporación municipal, cos únicos votos a favor do goberno municipal do BNG. Estes traballos teñen un orzamento de 2.259.281,75 euros, IVE engadido.
Tras a sinatura do contrato, as obras poderán comezar proximamente.
Este proxecto, que conta co financiamento da Deputación de Pontevedra, suporá segundo o goberno municipal un aumento do nivel de saúde e deportivo das persoas, posto que será unha instalación na que a piscina propiamente dita se acompañará de diversas salas polivalentes nas que se fomentará a práctica doutros deportes.
Ademais, o Concello anunciou que acometerá tres proxectos con cargo aos remanentes do Plan Concellos 2016 da Deputación de Pontevedra.
Será a pavimentación dos camiños da Cereixeira (A Graña) e o da baixada á praia de Area de Bon (Beluso) e a creación dun vestiario para homes, que complementará o de mulleres, na nave de deportes náuticos de Pescadoira.
O alcalde salientou que o Concello está á espera da autorización para o uso destes remanentes e tan pronto como se reciba procederase á contratación das actuacións.
En total, estas tres actuacións están valoradas en 110.494 euros.
Relacionadas:
-
Garanten que a piscina municipal cuberta estará rematada "en febreiro ou marzo" de 2020
Por Redacción |
-
Unha 'caixa do tempo' para lembrar o "día histórico" no que se puxo a primeira pedra da piscina de Bueu
Por Redacción |
-
Bueu pavimenta o Camiño da Cereixeira
Por Redacción |
-
Bueu adxudica a rehabilitación da casa consistorial e avanza nos trámites da nova piscina
Por Oskar Viéitez |
-
A piscina de Bueu, en marcha: Deputación e Concello asinan un convenio "histórico"
Por Redacción |