Deteñen un home por roubar os cables do alumeado público ao carón do pavillón municipal
Por Redacción
A alerta dun veciño permitiu á Policía Local de Pontevedra deter un home de 44 anos ao que sorprenderon roubando os cables do alumeado público nas inmediacións do pavillón municipal dos deportes.
Segundo informou a Policía Local, o roubo produciuse arredor das 23.00 horas de onte na rúa Fernando Cochón.
Os axentes, ao chegar, atoparon o home agochado na maleza. Tiña ao seu carón cinco rolos de cable e un pequeno bolso con ferramentas axeitadas para a súa subtracción.
Preto do lugar onde estaba o detido, os policías locais observaron un farol cos cables cortados e toda a zona co alumeado público sen luces.
Os axentes comprobaron que o home non tiña documentación enriba, polo que foi trasladado a dependencias policías para a súa identificación.