Solicitan un parque canino en Sanxenxo
Por Oskar Viéitez
Somos EnMarea Sanxenxo presentou este martes unha instancia no concello solicitando que se leve a cabo o parque canino xa aprobado en pleno.
Esta formación asegura que para este proxecto o Concello de Sanxenxo dispón dos pertinentes recursos financieiros desde o 21 de setembro do 2.016, data na que aparece publicada a subvención solicitada pola anterior concelleira de medio ambiente e concedida pola Deputación para o acondicionamento dun parque canino en Baltar, por un montante total de 20.296,67 euros.
Desde o cambio de goberno, a ubicación do parque foi cambiada varias veces, quedando finalmente aprobada a súa execución nas inmediacións da Casa de Cultura de Adina, polo que foi necesaria ampliar o uso da parcela na que se ía habilitar, cambio de uso que foi aprobado no pleno do 26 de abril de 2.018.
Somos EnMarea lembra que a subvención do Plan Concellos 2.016 da Deputación ten un prazo de xustificación das obras, que remata o 31 de decembro deste ano.
O sábado pasado levouse a cabo, por parte da veciñanza unha manifestación, durante a cal, ademáis de solicitar un parque canino en Punta Vicaño tamén se apuntou o requerimento de praias caninas.
Engaden tamén a necesidade dun refuxio felino.
Relacionadas:
-
Adina estreará un parque canino en cuestión de días
Por Redacción |
-
O parque de Adina crece cun circuíto biosaudable á espera dun espazo canino
Por Redacción |
-
Sanxenxo contará cun parque canino a partir da próxima semana
Por Oskar Viéitez |
-
A Deputación achega más de 200.000 euros a Sanxenxo
Por Redacción |
-
Baltar contará cun parque canino
Por Redacción |