As choivas provocan os primeiros verquidos de augas fecais ao río dos Gafos
Por Redacción
A chegada das primeiras choivas importantes do outono levaron onte os primeiros verquidos de augas fecais desta estación ao río dos Gafos, en concreto, ao entorno do paseo fluvial da rúa Alcalde Hevia.
"Comeza a campaña de verquidos outono-inverno ao río dos Gafos", denuncia a modo de anuncio publicitario a asociación ecoloxista Vaipolorío.
O colectivo transmitiu esta queixa á Policía Local vía telefónica e exprica que as augas fecais que foron parar ao cauce fluvial son "procedentes das alcantarillas do colector que decorre paralelo ao río dos Gafos".
A xestión das denuncias relativas a verquidos en cauces fluviais do centro urbano corresponde á Policía Autonómica, que será a que teña que levantar agora atestado do acontecido e investigar os verquidos.