VÍDEO.- E cos fogos, empeza a conta atrás para a Peregrina 2019
Por Diego Torrado
Os fogos artificiais nas Corvaceiras puxeron fin este domingo á Semana Grande das Festas da Peregrina.
Atrás quedan xornadas de celebración e actividades e empeza a conta atrás para as festas de 2019.
A contorna do peirao, desde onde se tiraban os lumes, San Roque e a Alameda, aínda coas atraccións a pleno rendemento, encheron para gozar dun cuarto de hora de espectáculo de luces, formas e cores.
Pecha o pano da Peregrina, pero a cidade xa ve no horizonte a súa próxima cita festiva. E non é pouca cousa, porque chega a Feira Franca.