Malabares, monicreques e acrobacias para levar a Peregrina aos máis pequenos da casa
Por Redacción & Paula Sanmartín
As Festas da Peregrina gózanse desde ben pequeno. Non hai máis que ver como o pasaron os benxamíns da casa coa sesión de teatro que este luns estreaba a programación infantil na Praza do Teucro.
Teatro ao Cubo traía a Pontevedra o seu espectáculo 'GHOP'.
Tratábase dun espectáculo de circo ambulante ao estilo dos que desde hai anos percorreron prazas de pobos e cidades.
Tres protagonistas, vestidos para a ocasión, arrincaron os sorrisos de nenas e nenos cos seus malabares, monicreques, acrobacias ou maxia cun espectáculo aberto á participación.
O Teucro acollerá ata o xoves funciones para o público infantil ás 19:30 horas da tarde, antes do prato forte que supoñerá a festa infantil do venres día 17 na Praza de España con 'Uxía Lambona e a Banda Molona'.