O PP de Poio quéixase das "condicións antihixiénicas" dalgúns contedores en Chancelas
Por Redacción
Os contedores de lixo situados na rúa Urxeira en Chancelas, na parroquia de Combarro, han motivo a crítica do Partido Popular de Poio ao entender que se atopan en "condicións antihixiénicas".
Segundo o PP os veciños denuncian a presenza de fortes cheiros así como de ratos, cucarachas e outros insectos a raíz, aparentemente, das malas condicións e a inadecuación destes contedores.
Trátase de dous contedores que dan servizo á urbanización 'Mar Tambo' e ao resto de veciños desta rúa.
O deficiente estado e cantidade do material provoca, aseguran, frecuentes desbordamentos e condicións insalubres, ademais de non contar con recipientes de recollida selectiva.
A concelleira popular Rocío Cochón explicou tras visitar a zona que levará as queixas veciñais á comisión de urbanismo da corporación municipal.