Multitudinario Mundial de Colchonetas en Sanxenxo
Por Diego Torrado & Redacción
A praia de Panadeira acolleu este domingo o Mundial de colchóns inchables. A décima edición deste campionato foi a máis concorrida de todas.
Preparados, listos… xa. Ao son do chifre e a baixada da bandeira pirata centos de bañistas botáronse á auga cos seus inflables. Desde os máis clásicos ata os de última moda como cisnes e unicornios, pasando por todo tipo de bichería mariña, donuts e inchables de promoción.
Entre os participantes houbo superheroes como Hulk e Spiderman, sirenitas, e veraneantes doutras épocas.
En resumo, un novo éxito da Asociación Lúdica e Cultural O Cubreiro nesta cita imprescindible do verán de Sanxenxo.