O PP xa ten candidato á Alcaldía de Poio: Angel Moldes repetirá
Por Redacción
O actual voceiro do PP de Poio e candidato á Alcaldía nas municipais de 2015 repetirá como aspirante a gobernar o municipio nas próximas eleccións de 2019. Así o deu a coñecer este mércores a secretaria local do PP, Celeste Nieto, que confirmou que será respaldado como candidato durante a romaría popular do Monte Castrove do 29 de xullo.
Celeste Nieto confirmou hoxe que a romería repetirá no seu tradicional emprazamento na Escusa e servirá para que o PP demostre o respaldo unánime á candidatura de Moldes.
A xuntanza popular reúne cada ano a máis de 500 veciños de Poio, alcaldes e voceiros de concellos cercanos e dirixentes provinciais e autonómicos, de maneira que consideran que será "unha ocasión inmellorable" para poñer en valor o traballo realizado nestes tres anos polo partido e visibilizar a "cohesión" que supón o liderado do presidente local.
A secretaria local considera que "a mellor carta de presentación" de Moldes é o traballo realizado nos últimos tres anos, nos que logrou que o PP fora a primeira forza política por representación municipal nas municipais de 2015 e, desde entón, percorreu todas as parroquias, todos os núcleos, falou con todos os veciños e "foi quen mellor levou á súa voz en todos os ámbitos".
Respecto disto, sinalou que Moldes "estivo en todo momento cos veciños e os colectivos de Poio, nos momentos bos e nos malos", polo que, "ao contrario do que sucede con outros partidos, ningún veciño pode dicir que o PP só aparece cando se achegan as eleccións".
A romaría do día 29, que este ano celebra a súa 13 edición, é unha xornada "familiar e aberta a todo o mundo", na que os asistentes poderán desfrutar dun xantar popular, actuacións musicais e zona de xogos infantís.
As entradas pódense reservar xa, a un prezo de 7 euros, nos teléfonos 600 351 106, e 618 617 004 (WhatsApp), así como no correo electrónico do PP de Poio: ppdepoio@gmail.com e nas redes sociais da agrupación.
Relacionadas:
-
O PP de Poio convida a participar na habitual Romaría en Monte Castrove
Por Redacción |
-
Ángel Moldes defende a "renovación real" da lista do PP á alcaldía de Poio
Por Redacción |
-
Tras 24 anos como alcalde Nito Sobral quere seguir no cargo ata o 2022
Por Oskar Viéitez |
-
O PP de Poio lanza a campaña "Alcalde, baixada do IBI xa!"
Por Redacción |
-
A XII Xuntanza Popular do Monte Castrove lembra os atentados de Barcelona e Cambrils: "Poio está con Cataluña"
Por Redacción |
-
Ángel Moldes amosa as súas armas en Monte Castrove para que o PP gañe a alcaldía de Poio
Por Redacción |