Maica Larriba ponse ao día no traballo da Policía Nacional e a Garda Civil
Por Redacción
A subdelegada do Goberno en Pontevedra, Maica Larriba, empezou este venres un percorrido polas distintas instalacións das forzas e corpos de seguridade do Estado na provincia para poñerse ao día da súa actividade e coñecer aos seus responsables, con quen traballará de xeito conxunto nesta nova etapa.
Larriba, que se presentou oficialmente este xoves nun acto público na Subdelegación do Goberno en Pontevedra, empezou o percorrido polas instalacións da capital. Visitou á primeira hora da mañá a Comisaría da rúa Joaquín Costa da cidade e asistiu á reunión de control que o comisario provincial, Manuel Bouzas, mantén cada mañá co resto de mandos policiais.
Segundo informou a Comisaría a través dun comunicado, a subdelegada enxalzou o labor policial e manifestou o seu afán en que o traballo policial sexa coñecido recoñecido por todos os cidadáns de Pontevedra. Considera que debe ter a suficiente repercusión e visibilidade na sociedade.
A subdelegada coñeceu o traballo das diferentes brigadas, destacando o seu interese en temas relacionados coa loita contra a violencia de xénero e os delitos tecnolóxicos, sobre todo, os relacionados cos menores de idade, xa que a educación é a mellor prevención.
Tras ese encontro, desprazouse ata a Comandancia da Garda Civil, onde se presentou aos mandos das distintas unidades deste Corpo na provincial e participou nunha rolda de prensa xunto ao coronel xefe provincial, Jorge González. A continuación, participou nunha reunión de traballo na que os responsables policiais puxérona ao día do seu traballo.
Relacionadas:
-
Pontevedra, primeira visita oficial de Maica Larriba como subdelegada do Goberno
Por Alejandro Espiño |
-
A Garda Civil libera tres vítimas de explotación sexual que exercían nun club de Meis baixo ameazas
Por Natalia Puga & Mónica Patxot | Creada e actualizada
-
Maica Larriba, subdelegada dun Goberno feminista que buscará "dar visibilidade a esa metade da poboación que parece invisible"
Por Natalia Puga & Mónica Patxot |
-
Maica Larriba estréase como subdelegada do Goberno nun acto con Gonzalo Caballero
Por Natalia Puga & Mónica Patxot |