Mexillóns para todos na praia fluvial para celebrar o San Benitiño
Por Redacción & Diego Torrado
Pontevedra xa entrou de cheo nas súas Festas de Verán. Fíxoo coa celebración do San Benitiño que, como é habitual nos últimos anos, contou cunha vertente relixiosa e outra moito máis popular, impulsada polo Concello na contorna da praia fluvial.
Centos de persoas achegáronse ata os salóns do Lérez para gozar desta romaría popular, aproveitando o bo tempo desta xornada festiva.
O principal atractivo desta celebración foi a mexillonada popular que se ofreceu ao mediodía e que, como sempre, esgotou existencias en pouco tempo.
A romaría estivo, ademais, amenizada pola música de varias agrupacións de música tradicional como os Gaiteiros das Rías Baixas, Os Alegres, Xoldra e as Pandereteiras de Verducido.
A festa concluirá esta noite, a partir das dez da noite, cunha verbena no adro do mosteiro de Lérez.
Relacionadas:
-
O fervor por San Benitiño non se detén polas altas temperaturas
Por Diego Torrado & Redacción |
-
Pontevedra renova a súa devoción cara San Benitiño de Lérez
Por Redacción & Diego Torrado |
-
Os carteiristas, á espreita por San Benitiño
Por Redacción |
-
Don Bryant, Abe Rábade, "Wolfman" Washington e Bollani encherán de ritmo o Festival Internacional de Jazz
Por Mónica Patxot & Anxo Lourido |
-
Os "bolos" do Local de Música regresan con novidades ás Festas de Verán
Por Redacción |