Os Gardacostas requisan en Beluso 31 quilos de centola
Por Oskar Viéitez
Axentes do Servizo de Gardacostas de Galicia, dependente da Consellería do Mar, aprehedéronse de preto de 50 quilos de marisco, de 48 útiles e de 750 metros de artes de enmalle. Unha das actuacións máis destacadas foi en Bueu e Beluso e nela os axentes requisaron 31 quilos de centola, preto de cinco quilos de boi, tres quilos de nécora e un de ameixa babosa. Tamén incautaron oito salabardos e sete nasas debido a que todo estaba sen identificar.
Na ría de Arousa os axentes requisaron máis de 261 quilos de peixe e marisco e 166 útiles.
O operativo máis destacado desenvolveuse por terra en Vilagarcía de Arousa xunto coa Policía Autonómica. Alí os axentes requisaron máis de 100 quilos de vieira que estaba sen documentar e un vehículo.
Nos últimos días no litoral de Galicia os axentes requisaron máis de 580 quilos de distintas especies peixe e marisco, preto de 280 útiles e un vehículo en distintos controis realizados Ademais tamén incautaron 1.200 metros de artes de enmalle.