A Deputación aproba axudas para crear novos parques forestais
Por Oskar Viéitez
A Deputación de Pontevedra vén de aprobar en Xunta de Goberno o reparto de máis de 519.900 euros en axudas a concellos para crear novos parques forestais na provincia de Pontevedra. Segundo explicou o vicepresidente César Mosquera beneficiaranse 18 concellos que poderán tanto redactar proxectos como executar actuacións zonas de monte diferentes.
Entre as axudas recibidas para redactar proxectos atópase o concello de Marín, para o parque de Lagocheiras; o concello de Barro, para o parque de Monte dos Casás; o concello de A Lama para o parque da comunidade de montes de Antas; o concello de Ponte Caldelas para o parque homónimo; o concello de Bueu para o parque de Cabo Udra; o concello de Poio para o parque de Monte Castrove; e o concello de Vilaboa para o parque de Monte das Barreiras.
Por outra banda, para a execución de actuacións xa redactadas en proxectos anteriores, beneficiaranse 10 concellos e 13 proxectos. Entre outros, foron subvencionados o de Illa de Arousa, con 52.200 euros; o de Marín, para San Xulián, con 24.975 euros e o concello de Vilaboa, para o parque de Monte das Barreiras con 45.167,56 euros.
Segundo insistiu o vicepresidente Mosquera é preciso que con estas actuacións se xeren melloras para ordenar, poñer en valor e potenciar a resistencia ao lume dos montes provinciais, seguindo as mesmas teses que destacaron os expertos que a Universidade de Vigo xuntou para facer o estudo dos montes provinciais na súa primeira posta de conclusións.
Relacionadas:
-
Os comuneiros de Santomé adecentan o Parque de Lagocheiras
Por Redacción |
-
Avanzan as obras para crear un parque forestal no monte dos Casás
Por Redacción |
-
Ponte Caldelas deseña o seu primeiro parque forestal
Por Redacción |
-
Última oportunidade para crear parques forestais nos montes da provincia
Por Redacción |
-
A Deputación reedita o seu plan para abrir os montes ao público
Por Oskar Viéitez |
-
A Deputación poñerá a disposición dos concellos máis de 90 millóns de euros en axudas polos incendios
Por Oskar Viéitez |
-
A Deputación concederá unha axuda para crear o parque forestal Miradoiro de Cotorredondo
Por Redacción |
-
A Deputación abrirá unha segunda convocatoria para crear parques forestais nos montes da provincia
Por Oskar Viéitez |