Festa fin de curso nas prazas do centro histórico
Por Mónica Patxot & Oskar Viéitez
Trátase dun clásico. Para celebrar o inicio e o fin do curso escolar o Centro Comercial Urbano Zona Monumental organiza unha festa. Este venres tocou despedir o colexio.
Inchables e talleres ao aire libre, pero sobre todo a escuma, enchen de risas e diversión o centro histórico.
A calor deste venres fixo suar a pinga gorda aos máis pequenos, pero non lles impediu subir ata o máis alto do rocódromo inflado na praza de Curros Enríquez.
Tamén houbo talleres de grafiti, de repostería, un circuíto de karts e unha pista americana.
As instalacións da exposición de arquitectura efémera Experimenta limitou o número de espazos para esta festa na que o máis celebrado volveu ser o baño de escuma na Pedreira.