O BNG demanda que a Xunta repare o dique do lago de Castiñeiras
Por Redacción
O deputado nacionalista Luís Bará presentou no Parlamento unha proposición non de lei para que a Xunta desenvolva actuacións urxentes no lago de Castiñeiras e na súa contorna, co obxecto de poñer fin ao deterioro e que este espazo natural recupere o seu antigo esplendor.
A primeira medida proposta polo BNG é que a Xunta acometa con urxencia un proxecto de reparación do dique do lago, xa que debido a que non se realizaron traballos de mantemento e de selado das fendas o lago perde progresivamente auga e pode chegar a secar no verán, como aconteceu o ano pasado.
Con esta actuación preténdese evitar que se repita a imaxe do lago de Castiñeiras sen auga, xa que é precisamente o principal reclamo e a estampa que mellor identifica o parque.
A segunda actuación urxente que solicita o BNG é a Xunta cumpra o convenio asinado en 2001 coa Comunidade de Montes de Vilaboa, que obriga á administración autonómica a aprobar un plan anual de actuación no espazo obxecto do acordo. Neste sentido, Luís Bará defende que o goberno galego aprobe un plan extraordinario de actuación "para compensar a falta de investimento nos últimos anos".
Por último, o BNG demanda un plan de conservación e mellora do xardín botánico de Castiñeiras.
Relacionadas:
-
Evacúan os animais do lago de Castiñeiras para iniciar os traballos de selado
Por Redacción |
-
Marín estrea novos paneis informativos no lago de Castiñeiras e no centro urbano
Por Oskar Viéitez |
-
A Plataforma SOS Castiñeiras urxe á Xunta un plan de intervención no Parque Forestal de Castiñeiras
Por Redacción |
-
Decenas de persoas claman "SOS Castiñeiras" cunha andaina reivindicativa
Por Redacción & Diego Torrado |
-
Os comuneiros de San Martiño de Vilaboa lembran á Xunta que debe coidar o Lago de Castiñeiras
Por Redacción |
-
Nace a Plataforma SOS Castiñeiras
Por Redacción |