Diversión e moita cor no Entroido de Verán de Ponte Caldelas
Por Redacción
Foi só a súa segunda edición, pero o Entroido de Verán de Ponte Caldelas ameaza con consolidarse no calendario festivo da comarca.
O deste sábado foi un éxito rotundo de participación nas rúas da vila, no desfile e como público nunha xornada de diversión e cor que se prolongou ata altas horas da madrugada.
O desfile tivo unha duración dunha hora e 45 minutos e nel tomaron parte seis comparsas e outros tantos grupos, varios deles locais, ademais de varios participantes nas modalidades de individuais e parellas.
A continuación celebrouse o primeiro concurso de drag queens coa participación de dous artistas que actuaron ante un numeroso público na Alameda, finalizando a festa cunha verbena a cargo da orquestra Foliada.
Os gañadores na categoría de comparsas foron Os da Caña (Marín); en grupos venceron As Marchosas de Arcade; o premio infantil foi para A Súper Ludoteca, mentres que o galardón de individuais-parellas recaeu en La Labranza. Ketty Pin foi premiada como a mellor drag e o premio especial ao público foi para Micaela, unha nena que asistiu ataviada de Menina de Velázquez.
Relacionadas:
-
Ponte Caldelas celebra baixo teito o seu Entroido de Inverno
Por Redacción |
-
Ponte Caldelas volve desdobrar a programación do Entroido entre inverno e verán
Por Redacción |
-
Un milleiro de persoas participarán o sábado no Entroido de Verán de Ponte Caldelas
Por Redacción |
-
Un premio para a mellor 'drag queen', novidade para o segundo Entroido de Verán de Ponte Caldelas
Por Redacción |