Novas probas a socorristas en Sanxenxo
Por Redacción
Non queren en Sanxenxo que se repitan as vacantes doutros anos no servizo de socorrismo nas praias, e por iso este sábado realizaron novas probas de selección.
Os aspirantes realizaron as probas de aptitude física á primeira hora na praia de Silgar.
Esta selección prodúcese o día no que se dá por inaugurada oficialmente a tempada alta de verán, coa entrada en servizo da vixilancia e socorrismo en nove praias: Areas, Silgar, Baltar, Canelas, Montalvo, Major, Foxos, A Lanzada - O Espiñeiro.
Nestes areais xa se contrataron 41 persoas entre socorristas e sanitarios, coa intención de que prolonguen o seu servizo ata o 15 de setembro.
Agora o obxectivo, segundo sinalou o goberno local, é lograr a incorporación doutras 25 persoas para garantir a maior seguridade posible nas praias de Sanxenxo durante os meses de xullo e agosto especialmente, pola habitual alta afluencia de visitantes.
Relacionadas:
-
As praias do Grove, espazos cardio-protexidos este verán
Por Redacción |
-
Sacan a licitación os quioscos, terrazas e tumbonas de Baltar, Montalvo e Major
Por Redacción |
-
Sanxenxo dá por inaugurada a tempada alta
Por Redacción |
-
Os concellos recollen as súas bandeiras azuis
Por Oskar Viéitez |
-
Sanxenxo instala novos módulos en seis praias do municipio
Por Redacción |