Só Rafael Domínguez formaliza a candidatura para presidir o PP de Pontevedra
Por Redacción
O concelleiro do PP de Pontevedra Rafael Domínguez será o único candidato a presidir o partido a nivel local. De momento é o único precandidato que formalizou a súa candidatura e agora deberá presentar os avais suficientes para que poidan votalo no congreso local que terá lugar o vindeiro sábado 30 de xuño.
Segundo informou o PP de Pontevedra, ás 15:00 horas deste luns 11 de xuño rematou o prazo establecido pola comisión organizadora do congreso para a presentación de precandidaturas ao congreso e tan só Rafael Domínguez formalizou a súa.
A partir deste momento, Domínguez terá como marxe ata o 28 de xuño ás 15.00 horas para presentar os 150 avais necesarios para optar á presidencia local do Partido Popular de Pontevedra.
Para poder avalar ou votar no congreso será preciso, de acordo cos estatutos do partido, figurar inscrito no censo existente na sede da rúa Palamios e atoparse ao corrente do pago de todas as cotas pendentes.
O 25 de xuño remata o prazo establecido polo comité, que preside o médico Jorge García-Borregón Millán, para que aqueles afiliados que o desexen poidan comprobar a súa situación persoal e, se fose necesario, poñerse ao corrente nas cotas.
Relacionadas:
-
Rafa Domínguez, elixido por aclamación novo presidente do PP de Pontevedra
Por Natalia Puga |
-
VÍDEO.- Núñez Feijóo e Ana Pastor avalarán a Rafa Domínguez no Congreso Local do PP
Por Redacción |
-
A avogada Pepa Pardo, peza importante no equipo de Rafa Domínguez á fronte do PP
Por Redacción |
-
José Benito Suárez Costa será o número 2 do PP local
Por Redacción |
-
Para Rafa Domínguez "este ya no es un modelo de ciudad del BNG, es de todos los pontevedreses"
Por Diego Espiño |
-
Rafael Domínguez inicia en Lérez a súa "xira" cara a presidencia do PP local
Por Redacción |
-
Jacobo Moreira deixará de ser concelleiro tras o congreso local do PP de Pontevedra
-
Rafael Domínguez dá un paso adiante cara á Alcaldía de Pontevedra: "Mi intención a día de hoy es ser candidato"
Por Alejandro Espiño & Natalia Puga | Creada e actualizada