Tres días para experimentar a vida monástica no mosteiro da Armenteira
Por Redacción
Experimentar a vida monástica está ao alcance de calquera. As irmás cistercienses do mosteiro de Armenteira convídante a facelo. Iso si, de forma temporal.
Dúas xornadas monásticas que se celebrarán nos meses de xullo e agosto permitirán que todos os interesados poidan vivir durante tres días no mosteiro, seguindo o ritmo da comunidade, rezando e traballando coas monxas.
Haberá, ademais, charlas sobre temas monásticos e momentos de oración silenciosa.
As prazas son limitadas e o encontro está aberto a participantes de ambos os sexos, menores de 45 anos. O prezo destas xornadas monásticas, que inclúe estancia, almorzo, comida e cea, é de 135 euros por persoa.
A primeira quenda de convivencia terá lugar entre os días 6 e 8 de xullo, mentres que o segundo será entre o 31 de agosto e o 2 de setembro.
Para máis información, os interesados poden contactar co mosteiro no teléfono 627 097 696 ou a través do correo electrónico paula.armenteira@gmail.com.