O soterramento da liña de alta tensión de Monte Porreiro obriga a pechar Os Campos
Por Redacción
O avance das obras de soterramento da liña de alta tensión en Monte Porreiro obriga ao peche a rúa dos Campos, o acceso e saída sur do barrio, durante cando menos tres semanas.
De cara a este peche, que terá lugar o luns 11 de xuño ás 9.30 horas, habilitarase un circuíto de mobilidade alternativo.
De acordo cos cambio de mobilidade deseñado e supervisado pola Policía Local o acceso á zona terá que realizarse dende a zona norte, é dicir pola avenida de Bos Aires e a Ponte das Palabras.
Ademais aconséllase aos condutores de paso polo eixo norte a sur e viceversa que opten por circunvalar a zona por Santa Margarita, rúa da Seca, Xosé Malvar, Ponte dos Tirantes, Alexandre Bóveda e avenida de Compostela.
A rúa dos Campos queda pechada a circulación para todos agás para os residentes.
Haberá un amplo dispositivo de sinalización regulamentaria e informativa con paneis arredor da obra así como por todo o barrio, que alertará á poboación de Monte Porreiro e á xente que se achegue á zona da situación.
Este é o segundo peche de rúa e circuíto alternativo de mobilidade que se vai a despregar no barrio polas obras de soterramento. O primeiro, que afectou á rúa Portugal e contorna, estivo activo do 28 de maio ata o pasado venres.
Relacionadas:
-
Cortado o tráfico na Rúa dos Campos
Por Redacción |
-
Este luns abre Os Campos e pecha A Pomba debido ao soterramento da liña de alta tensión de Monte Porreiro
Por Redacción |
-
Plan de tráfico polas obras da alta tensión en Monte Porreiro
Por Redacción |
-
O soterramento da liña de alta tensión de Monte Porreiro obriga a cortar un carril da rúa Portugal
Por Redacción |
-
A liña de alta tensión de Monte Porreiro estará soterrada a finais de ano
Por Alejandro Espiño & Mónica Patxot |