ENCE di que a utilización de gas natural como combustible de apoio en Lourizán minimizará as súas emisións
Por Oskar Viéitez
Ence proxecta utilizar gas natural licuado (GNL) como combustible de apoio para o funcionamento da súa biofábrica de Lourizán, pero "non prevé construír unha gran regasificadora", como as existentes en porto para a recepción de buques metaneiros, senón tan só un "pequeno equipo " para gasificar o GNL "como hai en moitas outras instalación industriais y domésticas ".
O proxecto, que supoñerá un investimento de 2 millóns de euros, forma parte do programa de melloras ambientais da fábrica de Lourizán e "permitirá eliminar o uso de fuel-oil". Doutra banda, sinala Ence que "estará dotado das tecnoloxías e sistemas de seguridade máis avanzados do sector".
O gas natural transportarase ata a fábrica en camións cisterna a unha temperatura de 162 grados baixo cero. O gas será utilizado nos fornos de cal da planta e supoñerá unha maior facilidade de uso, xa que non precisa de quecemento de tubaxes e circuíto.
A compañía pasteira insiste en que "dentro dos combustibles de orixe fósil, o GNL é o que ten un menor impacto na contorna, á vez que permite unha eficiencia enerxética superior aos demais combustibles fósiles e, por tanto, menores emisións".
As "vantaxes ambientais" do gas levaron a Ence a incorporar o GNL mediante a instalación dun conxunto de equipos e dispositivos para a recepción, descarga e adecuación para o seu consumo. Entre as devanditas vantaxes destaca a súa ausencia total de emisión de partículas sólidas, hollines, fumes, entre outros, así como unha redución de emisión de CO2 en torno ao 30%.
Finalmente Ence engade que "o uso de gas natural nas instalacións de Ence permitirá lograr cero emisións de partículas, así como unha emisión de SO2 nula por non ter xofre na súa composición. Ademais, o GNL ofrece mínimas emisións de NOx por ter mellor control de chama, así como unha menor pegada de carbono por ter un proceso de obtención máis limpo que o fuel.
Relacionadas:
-
ENCE defende ante a marcha de protesta da APDR que cumpre "rigorosamente" a normativa ambiental
Por Redacción | Creada e actualizada
-
ENCE investirá 4 millóns de euros nun secadero de cortizas na súa fábrica de Lourizán
Por Oskar Viéitez |
-
O Concello asegura que Ence pretende construír unha nova cheminea de 70 metros de altura
Por Oskar Viéitez |
-
ENCE chama "populista" a Lores e asegura que a súa fábrica non contamina "en absoluto"
Por Redacción |
-
A APDR convoca para o sábado 16 de xuño a súa marcha anual contra ENCE
Por Diego Espiño |
-
Ence asegura que os investimentos na fábrica de Lourizán reforzan a súa fiabilidade ambiental
Por Oskar Viéitez |