O paro segue a tendencia á baixada dos meses de maio: 2.808 desempregados menos na provincia
Por Redacción
O paro rexistrado nas oficinas de emprego no municipio de Pontevedra descendeu en maio en 180 persoas, liderando un descenso do número de persoas sen contrato de traballo na súa área de influencia, segundo os datos difundidos este luns polo Ministerio de Emprego e Seguridade Social.
A día de hoxe a cifra de desempregados na Boa Vila é de 5.904 persoas.
Abril | Maio | Variación | |
Pontevedra | 6.084 | 5.904 | -180 |
Barro | 279 | 265 | -14 |
Bueu | 791 | 778 | -13 |
Caldas de Reis | 758 | 720 | -38 |
Cambados | 1.116 | 1.051 | -65 |
Campo Lameiro | 140 | 136 | -4 |
Cerdedo-Cotobade | 368 | 354 | -14 |
Cuntis | 320 | 324 | 4 |
O Grove | 904 | 838 | -66 |
A Illa de Arousa | 340 | 299 | -41 |
A Lama | 154 | 167 | 13 |
Marín | 1.690 | 1.629 | -61 |
Meaño | 375 | 340 | -35 |
Meis | 358 | 326 | -32 |
Moraña | 339 | 317 | -22 |
Poio | 1.137 | 1.119 | -18 |
Ponte Caldelas | 517 | 498 | -19 |
Portas | 209 | 199 | -10 |
Ribadumia | 357 | 345 | -12 |
Sanxenxo | 1.125 | 1.076 | -49 |
Vilaboa | 439 | 424 | -15 |
Vilagarcía de Arousa | 3.618 | 3.525 | -93 |
Vilanova de Arousa | 875 | 823 | -52 |
GALICIA
Galicia completou o mes de abril con 2.812 desempregados menos que en marzo e 22.338 menos que hai un ano.
As estatísticas do número de parados rexistrados nas oficinas dos servizos públicos de emprego (antigo Inem) confirman que se mantén a tendencia xeral á redución de desempregados durante o mes de maio e revelan que na provincia de Pontevedra reduciuse a cifra en 2.808 persoas menos.
Na provincia había a 31 de maio 69.182 demandantes de emprego, un 3,90 por cento menos que o mes anterior, segundo as cifras oficiais do Ministerio de Emprego e Seguridade Social. Con respecto a hai un ano, a redución foi do 12,81 por cento, con 10.164 parados pontevedreses menos que en maio de 2017.
Esta redución confírmase no global de Galicia e España. Na comunidade autónoma, o número de desempregados rexistrados nos servizos públicos de emprego reduciuse en maio ata as 176.696 persoas, un 3,07 % menos que en abril.
Por provincias, Pontevedra é a galega na que a porcentaxe de descenso do desemprego é maior, un 3,90% menos, seguida do 3,65% de Lugo e moi superior ao 2,56 da Coruña e o 1,42 de Ourense.
En España, o paro baixou en maio en 83.738 desempregados respecto ao mes anterior, o que supón un 2,5% menos. En todo caso, segundo os datos facilitados polo Ministerio de Emprego e Seguridade Social en funcións, esta redución é inferior á dos meses de maio do período 2013-2017. Entre 2009 e 2012 reduciuse menos.
O volume total de parados alcanzou a finais de maio en España os 3.252.130, o seu nivel máis baixo desde decembro de 2008.
Relacionadas:
-
A tempada estival dá un respiro a 316 demandantes de emprego na cidade
Por Redacción | Creada e actualizada
-
O paro baixa en xuño en 3.341 persoas na provincia, un descenso maior á media galega
Por Redacción |
-
O paro baixa en 114 persoas durante o mes de abril na cidade de Pontevedra
Por Oskar Viéitez |
-
O paro baixa en marzo en 105 persoas na cidade de Pontevedra
Por Redacción |
-
O paro no concello de Pontevedra descende en maio en 162 persoas
Por Redacción |