A CIG reivindica un sistema de pensións público e digno
Por Mónica Patxot & Redacción
A CIG levou a cabo unha concentración durante este martes para reclamar emprego, salarios e pensións dignas. A protesta desenvolvíase na praza da Peregrina con representantes da central sindical, do colectivo de emigrantes retornados e da sección de xubilados.
Este acto é un paso máis para a folga xeral prevista para o próximo 19 de xuño, convocada polo sindicato CIG. A central nacionalista atribúe ao PSOE e ao PP as consecuencias da situación actual derivada das diferentes reformas aprobadas nos anos 2011 e 2013.
Denuncian que máis da metade das pensións galegas son inferiores ao salario mínimo e son das máis baixas en todo o Estado. Marcos Conde, secretario comarcal do sindicato, sinala que é necesario saír á rúa para presionar ao goberno e provocar un cambio de políticas co obxectivo de que se atendan as demandas sociais.
Desde a CIG lembra que o sistema público de pensións é unha conquista da clase traballadora a través de décadas de loita e alertan da necesidade de conservar estes dereitos da clase traballadora. O sindicato sinala que as pensións públicas son viables e deben garantirse de fronte ao futuro.
A esta manifestación asistiron o alcalde de Pontevedra, Miguel Anxo Fernández Lores, os concelleiros Carme da Silva, Demetrio Gómez, Anabel Gulías e a deputada provincial Eva Vilaverde.
Relacionadas:
-
Concentración da CIG en protesta pola reforma das pensións
Por Cristina Saiz & Redacción |
-
A CIG demanda ao goberno de Sánchez un sistema público de pensións de garantía
Por Redacción |
-
A CIG sae á rúa a buscar un cambio na política económica e laboral
-
A CIG suspende a folga xeral e dá un voto de confianza a Pedro Sánchez
Por Redacción |
-
A CIG alerta a mocidade do perigo que corren as súas pensións
Por Miguel Álvarez Fandiño & Anxo Lourido |
-
A CIG denuncia os recortes en prestacións asistenciais e por desemprego ante as oficinas do paro
Por Miguel Álvarez Fandiño & Anxo Lourido |
-
A CIG quenta motores na rúa de cara a unha folga xeral o 19 de xuño
Por Natalia Puga & Mónica Patxot |