A Deputación impulsa a apicultura e a agricultura en espazos protexidos
Por Redacción
A Deputación Provincial de Pontevedra informou da posta en marcha de accións para impulsar a hortofruticultura e a apicultura sustentable en espazos protexidos da Rede Natura.
Trátase do proxecto Depoverde enmarcado no programa Empleaverde do Ministerio de Agricultura e a Fundación Biodiversidade para o impulso e a mellora do emprego, o emprendemento e o medio ambiente. Está cofinanciado polo Fondo Social Europeo polo que todas as accións son gratuitas.
O proxecto pretende mellorar a empregabilidade dos habitantes das zonas Rede Natura da provincia de Pontevedra.
Estes espazos albergan non só un patrimonio natural senón que, ademais, asociado á súa poboación residente, recollen un conxunto de valores culturais e tradicionais que son igualmente demandados polos consumidores dos diferentes produtos e servizos xerados nestas zonas.
Para máis información habilitouse o contacto: depoverde@depo.es ou por teléfono: 886 210 725