A renda social municipal poderá cobrarse como máximo durante un ano
Por Alejandro Espiño
Os beneficiarios da renda social municipal que, a instancias de Marea, se implantará en Pontevedra poderán cobrar esta axuda durante seis meses, prorrogables a un máximo dun ano. Así figura no anteproxecto da ordenanza que regulará esta medida, dirixida a cidadáns en risco de exclusión social e pobreza.
O goberno municipal prevé que a ordenanza, tras unha longa tramitación administrativa, poida ser aprobada no pleno do próximo mes de xuño. Para iso, só faltan os informes técnicos da asesoría xurídica e do servizo de Intervención.
Cando a corporación dea o seu visto e prace a esta ordenanza, terá que ser exposta ao público, fase na que se poden realizar alegacións por parte dos interesados.
O Concello entende que, debido a estes trámites, esta renda social non terá aplicación práctica ata despois do verán.
Estas axudas, ademais de ser persoas en risco de exclusión social, serán incompatibles coa Renda de Integración Social de Galicia (Risga), polo que só poderán acceder a elas todas aquelas persoas que, por calquera razón, non reúnan os requisitos necesarios para cobrar a renda autonómica.
A contía da renda social municipal aínda non se coñece, aínda que Marea no seu día propuxo que fóra de 532 euros. En todo caso, o Concello reservou unha partida de 425.000 euros no orzamento de 2018 para sufragalas.
Relacionadas:
-
Só cinco personas solicitaron a renda social municipal
Por Alejandro Espiño |
-
Os beneficiarios da renda social municipal cobrarán un máximo de 537 euros ao mes
Por Alejandro Espiño |
-
Ponte Caldelas contratará dúas persoas paradas en situación de risco de exclusión social
Por Redacción |
-
Marea esixe ao goberno municipal que poña en marcha "dunha vez" a renda social
Por Redacción |
-
Lores ve "fóra de lugar" as críticas de Marea ao retraso da renta social
Por Alejandro Espiño |
-
Marea Pontevedra ameaza con pedir a reprobación de Anxos Riveiro
Por Redacción |
-
Marea confirma que se absterá no pleno de orzamentos
Por Redacción |