O luns haberá limitacións no tráfico da Zona Monumental polo Correlíngua
Por Redacción
Con motivo da actividade programada de Maio, mes da Lingua, o próximo luns 6 de maio celébrase o CORRELINGUA, na que participaran 900 escolares.
Ante a masiva afluencia de rapaces, e por razóns de seguridade, a Policía Local de Pontevedra difundiu, entre os comerciantes, da zona monumental, carteis avisando da prohibición de efectuar operacións de carga e descarga entre as 10:00 horas e as 12:00 horas.
Entre as 10:30 e as 10:45 horas terá lugar a concentración dos participantes na Praza da Ferrería. A carreira desenrolarase en dúas fases
- Para infantil cun percorrido pequeno: San Román, Sarmiento, praza Méndez Nuñez, Isabel II, praza Cinco Rúas, Charino, Bastida, Michelena, porta de Trabancas e praza da Ferraría.
- Para o resto de participantes un recorrido máis longo: praza da Ferraría, San Román, Sarmiento, Gregorio Fernández, praza da Pedreira, Serra, San Xulian, praza de Méndez Nuñez, Don Gonzalo, Curros Enríquez, Real, San Nicolas, praza Cinco Rúas, Charino, Bastida, Michelena, porta de Trabancas e praza da Ferraría.