O Camiño Pateira estrea nova imaxe tras a súa reforma integral
Por Redacción
As obras de renovación integral do Camiño Pateira, en San Salvador, están practicamente rematadas, segundo avanza o goberno municipal de Poio.
A concelleira de Obras, Chelo Besada, visitou este xoves a zona para revisar o resultado duns traballos nos que se investiron 147.000 euros do Plan Concellos da Deputación.
As obras de urbanización e mellora, realizadas pola empresa EC Casas, consistiron na renovación integral dos servizos, coa separación das canalizacións de augas pluviais e residuais, e o seu pavimentado.
Agora, sinalou Besada, esta rúa conta con un novo sistema de alumeado público mellor e máis eficiente e con un consumo 60% menor ao anterior.