O Porto de Marín expón en Madrid a súa experiencia en xestión de residuos
Por Redacción
A Autoridade Portuaria de Marín e Ría de Pontevedra participou este mércores en Madrid nunha xornada sobre prevención e mitigación do impacto de envases e residuos en costas e mares, organizada por Protecma e Packnet na que colabora o Ministerio de Agricultura e Pesca, Alimentación e Medio Ambiente.
Protecma é unha plataforma europea sobre protección do mar que se coordina desde o CETMAR e Packnet é a plataforma tecnolóxica española de envases e embalaxes.
O relatorio do Porto de Marín correu a cargo de Benito Calviño, responsable de sustentabilidade da Autoridade Portuaria. Trátase de expoñer a evolución das experiencias e proxectos en materia de xestión de residuos nas que Marín é un porto pioneiro desde hai anos como parte da súa política de responsabilidade social e ambiental.
A Autoridade Portuaria ten moi consolidado un sistema de xestión e recollida selectiva de diferentes residuos vinculados á actividade pesqueira como redes, plásticos, poliexpan e pilas, entre outros. Ademais tamén xestiona a retirada de lixo do mar coa colaboración da frota pesqueira.
Na xornada ambiental abordáronse entre outros, o programa español de medidas para o lixo mariño que presentou o ministerio, a innovación en reciclaxe de plásticos de caixas de peixe para convertelos en envases alimentarios ou a prevención na xeración de residuos da pesca de baixura, entre outros.
Relacionadas:
-
O Porto de Marín retirou este ano máis de 18.000 quilos de lixo mariño
Por Redacción |
-
O Porto de Marín leva retiradas 20 toneladas de lixo mariño
Por Redacción |
-
O Porto de Marín inicia unha nova campaña de descarga de pesca conxelada
Por Redacción |
-
Suárez Costa da conta ao Consello da Autoridade Portuaria das principais xestións realizadas
Por Redacción |
-
O Porto de Marín retirou 6.700 quilos de lixo mariño no último trimestre
Por Redacción |
-
A Autoridade Portuaria fixo recollida selectiva de preto de 1.000 toneladas de residuos durante 2017
Por Redacción |
-
Portos de Galicia retira máis de 13 toneladas de residuos dos fondos mariños de Bueu, Meloxo e Vilanova
Por Redacción |