Concello e Cámara pretenden manter as súas respectivas pasarelas ao entender que "non son o mesmo"
Por Alejandro Espiño
A pasarela de moda que trata de impulsar a Concellaría de Promoción Económica e Pontus Veteris, evento que intenta recuperar a Cámara de Comercio, son proxectos "complementarios y compatibles". Pero nin Carlota Román nin Eduardo Barros están dispostos a renunciar á súa organización. Así se desprende do encontro que ambos mantiveron este luns na Casa da Luz.
Pretendían repasar o calendario congresual e feiral de Pontevedra e os plans da institución cameral con respecto a Pomóvil e Ferpalia, os dous eventos que organizou o ano pasado a Cámara de Comercio, pero finalmente a aposta por estas dúas pasarelas de moda foi a clara protagonista deste encontro. Non haberá, en principio, integración dos dous proxectos, pero tampouco se xerará competencia entre elas.
A Cámara de Comercio, coñecedora dos plans para o lanzamento desta nova pasarela de moda, pretendía que esta se integrase en Pontus Veteris como unha máis das súas actividades. Entende Eduardo Barros que "hay que darle un giro a la pasarela" e apostar por novos formatos, polo que esta proposta encaixaría perfectamente nos seus plans sen prexudicar a posible recuperación de Pontus Veteris, celebrada por última vez hai dous anos.
"Toda colaboración con la industria de la moda y apoyo a las empresas del sector serán bien vistas desde la Cámara de Comercio", explicaba Eduardo Barros respecto deste evento de moda paralelo a Pontus Veteris, pero apostando porque esta marca "no se pierda" e suxerindo á concelleira de Promoción Económica, Carlota Román, que unha boa idea sería que esta nova pasarela "se apoyase" na experiencia de Pontus Veteris.
Pero aí atopouse coa negativa da concelleira socialista. Explicou que desde 2011 "por las razones que fuesen" non se organiza Pontus Veteris e agora "hay un grupo de gente joven de Pontevedra que propuso hacer algo ocupando ese hueco, para que Pontevedra siga siendo referente de moda, aprovechando que tenemos también la Escuela de Diseño y esa propuesta la apoyamos desde el Concello".
Reiterou que Pontus Veteris "tuvo un potencial muy importante" e que este proxecto "es diferente". Asegura que se trata dun evento de moda "enfocado en la creatividad" e que busca "ocupar un espacio que dejó Pontus". Aínda que recoñece que para chegar a ter a repercusión da antiga pasarela "va a pasar tiempo". Segundo Carlota Román, trátase de "ir recogiendo las ideas de la gente joven de la moda y crecer desde la humildad".
En todo caso, Carlota Román animou á Cámara de Comercio a presentar "proyectos sólidos" para os tres certames feriais que pretenden organizar este ano: Pontus Veteris, Ferpalia e Pomóvil. Explicou que, polo momento, "no hay nada cerrado", pero desde o Concello de Pontevedra apoiarase, en medida das súas posibilidades, "todas las ferias y congresos que reúnan el potencial suficiente y que sirvan para referenciar Pontevedra y atraer público".