Esgotados en Pontevedra os vestidos das fillas dos Reis de Holanda
Por Oskar Viéitez
A tenda pontevedresa de Pili Carrera esgotou os vestidos das fillas dos Reis de Holanda.
Os pontevedreses non necesitaron ver a Amalia, Ariane e Alejandra de Holanda para vestir ás súas fillas como auténticas princesas, e días antes de que Guillermo e Máxima se converteran en reis xa se acabaron na cidade do Lérez o vestido estampado floral en amarelo e branco que levaban as tres irmás.
Agora, pensando na proxección que tivo o evento a responsable da tenda de Pili Carrera na rúa Oliva xa está pensando en encargar máis vestidos.
Este modelo de vestido da colección "Arras" podíase adquirir na tenda ao prezo de 165 euros.
Os responsables de comunicación desta firma pontevedresa de moda infantil fundada en 1963 foron os primeiros en difundir a noticia a través do seu perfil de Facebook "Las hijas de Sus Majestades llevan vestidos de la colección de verano. ¡Todo un orgullo para la firma!".