A Pontevedrada supera o milleiro de inscritos
Por Redacción
A oitava edición da Pontevedrada xa conta con máis dun milleiro de persoas inscritas procedentes de toda España, que participarán o vindeiro sábado 28 de abril ás 20 horas na marcha solidaria nocturna e ininterrompida que organiza anualmente a Asociación de Amigos da Pontevedrada (Asampo) para concienciar á sociedade da importancia da doazón altruísta de sangue, órganos e tecidos.
Asampo mantén aberta a súa inscrición oficial ata o 25 de abril ás 22 horas.
Os participantes percorrerán parte ou a totalidade dos 63 quilómetros do Camiño de Santiago portugués desde Pontevedra ata a praza do Obradoiro compostelá, onde chegarán durante o domingo 29 de abril.
Previamente á saída, ás 19 horas do sábado 28 de abril, comezará un acto público na Praza da Ferrería, con testemuños de doantes e receptores agradecendo a quen, coa súa xenerosidade, regalaron e regalan vida.
Dado o crecemento gradual de participación, Asampo planificou que cada inscrición leve unha achega solidaria de 5 euros para dar viabilidade organizativa ao evento. O importe recadado destinarase a dar soporte ás iniciativas solidarias que promove esta asociación durante todo o ano e a colaborar con outros colectivos que precisan axuda económica para desenvolver o seu labor.
Relacionadas:
-
1.500 persoas súmanse á marcha nocturna e solidaria da Pontevedrada 2018
Por Mónica Patxot & Redacción |
-
RADIO.- Volve a Pontevedrada: un camiño para escoitar, aprender e solidarizarse
Por Sara López Lago |
-
Camiñar para dar vida, chega unha nova edición da Pontevedrada
-
Cen globos para fomentar a doazón altruísta de sangue, órganos e tecidos
Por Redacción |
-
A Pontevedrada segue sumando quilómetros solidarios
Por Cristina Saiz & Redacción | Creada e actualizada