Asaltan a Manuel Charlín e un dos seus fillos na súa casa de Vilanova
Por Natalia Puga
Creada e actualizada
Creada e actualizada
O histórico narcotraficante Manuel Charlín Gama, patriarca do can dos Charlines, e o seu fillo Melchor permanecen ingresados no Hospital do Salnés tras ser asaltados na súa casa de Vilanova de Arousa na mañá deste mércores.
O asalto produciuse sobre as 9.00 horas deste mércores. Segundo relataron Charlín e o seu fillo, dúas persoas chegaron á súa casa e agredíronos, causándolles lesións de diferentes consideración polas que tiveron que ser trasladados ao hospital.
Ao pai déronlle un golpe na cabeza e provocáronlle unha posible fractura de varias costelas mentres que o fillo presenta unha brecha na cabeza como consecuencia da agresión. Manuel Charlín recibiu o alta pouco despois, pero o seu fillo quedou ingresado en observación.
Os dous asaltantes ían encapuchados e tiñan acento suramericano. Tras a agresión, puideron fuxir nun vehículo que presumiblemente era un monovolume de cor negra.
A Garda Civil mantén aberta unha investigación para pescudar a identidade e paradoiro dos asaltantes e pediuse colaboración a outras Forzas de Seguridade para axudar a localizar o vehículo no que se deron á fuga.
Tras o asalto, un nutrido grupo de xornalista trasladouse ata as inmediacións da mansión da familia en Vilanova e alí vivíronse momentos moi tensos con achegados aos Charlines, que se enfrontaron a varios dos informadores. A un fotógrafo de Faro de Vigo golpeárono e deron un patada e a unha redactora de Antena 3 rompéronlle o teléfono móbil. Os momentos máis tensos recolleunos un cámara de Canal Rías Baixas e poden verse neste vídeo:
Un periodista, a veces, ten que enfrontarse a noticia. pic.twitter.com/ujrNctvc04
— Canal Rias Baixas (@canalriasbaixas) 11 abril 2018
Relacionadas:
-
A operación que ‘repescou’ o patrimonio de tres xeracións do clan de Los Charlines, a xuízo na Audiencia Nacional
Por Natalia Puga |
-
Falece na súa casa aos 89 anos Manuel Charlín, patriarca do clan arousán
Por Redacción |
-
Manuel Charlín e o seu fillo Melchor, libres, pero coa obriga de ir ao xulgado cada 15 días
Por Natalia Puga |
-
Detidos Manuel Charlín e o seu fillo Melchor nun macro operativo antidroga
Por Natalia Puga | Creada e actualizada
-
Suspenden o xuizo contra Charlín pola venda dun solar en Ponte Bolera
Por Redacción |
-
Manuel Charlín outra vez no banquiño pola venda dun solar en Pontevedra
Por Oskar Viéitez |