O PSOE preguntará á conselleira de Medio Ambiente que pasa co dragado do fondo da ría
Por Anxo Lourido
A deputada socialista Patricia Vilán formulará a través do grupo parlamentario do PSOE unha pregunta para que a conselleira de Medio Ambiente responda sobre o proxecto para a dragaxe e a rexeneración do fondo da ría de Pontevedra.
Este luns, Patricia Vilán e o voceiro do grupo municipal socialista Tino Fernández explicaban que esta petición se remonta ao ano 2006. A solicitude céntrase na eliminación de lodos en cinco quilómetros situados entre a ponte do Burgo ata o dique dos Praceres. Trátase dunha demanda por parte do sector marisqueiro, pesqueiro, deportivo e ambiental.
Os socialistas lembran que o Concello, o Club Naval de Pontevedra e as confrarías solicitaron estes traballos de dragaxe. En 2009 o que entón era presidente de Portos de Galicia, José Manuel Álvarez Campana anunciara o inicio desta actuación e a idea de crear unha futura estación marítima con transporte de pasaxeiros pola ría pontevedresa.
En 2016, Portos de Galicia anunciaba que a finais de 2018 estaría finalizado e licitado o proxecto. Pero dende o PSOE sinalan que se descoñecen as alegacións que se presentaron a esta iniciativa e que pasos se van dar mentres denuncian que a ría e o Lérez se están a cegar dificultando a entrada de embarcacións.
Por este motivo, o mércores 21 pola tarde preguntarán á conselleira Ángeles Vázquez cando se licitará este proxecto de dragaxe e rexeneración.
Tino Fernández indicou que se a Alfonso Rueda e a Núñez Feijóo, vicepresidente e presidente da Xunta, lles importara a ría de Pontevedra xa tería destituído ao presidente de Portos de Galicia, José Juan Durán, ao incumprir a promesa de solventar o problema da ría.
Patricia Vilán lamenta a falta de decisión por parte da Xunta ante a falta de consenso sobre en que punto da ría debe verterse a lama que se retire. Os socialistas afirman que para evitar acometer este proxecto, a Xunta buscou como desculpa este desencontro entre os colectivos afectados sobre se verter a lameira despois de Tambo ou despois de Ons.
Relacionadas:
-
As confrarías da ría agardan coñecer os resultados dun proxecto experimental de dragaxe autónoma
Por Oskar Viéitez |
-
Unha moción en Poio busca rexeitar o depósito de lodos da ría na zona da Illa de Tambo
Por Redacción |
-
A Xunta busca o consenso co sector marisqueiro para levar adiante a dragaxe do Lérez
Por Redacción | Creada e actualizada
-
Portos de Galicia presentará varias alternativas de pantaláns no porto de Campelo
Por Oskar Viéitez |
-
Que impacto tería depositar 330.000 metros cúbicos de lodos entre a illa de Tambo e Campelo?
Por Oskar Viéitez |
-
A APDR ve incertezas na dragaxe do Lérez que "recomendan non levala a cabo"
Por Redacción |
-
Marea Pontevedra, contraria á dragaxe do Lérez, presenta alegacións ao proxecto
Por Oskar Viéitez |
-
O BNG só logra o apoio do PSOE para pedir que a dragaxe da ría non espere a 2018
Por Redacción |
-
Así será a dragaxe do Lérez
Por Oskar Viéitez |
-
A dragaxe da ría acometerase no 2018
Por Oskar Viéitez |