O colexio Salvador Moreno, Nee Barros e o IES Sánchez Cantón, premiados no festival de curtas do Museo
Por Redacción
A Deputación vén de entregar os premios do primeiro festival "O Museo de Pontevedra en curtametraxes".
Na categoría Infantil (alumnos de quinto e sexto de Primaria) o primeiro premio, dotado con 800 euros, recaeu no colexio Salvador Moreno de Pontevedra polo filme "A vida dentro do cadro de Don Ramón".
O segundo accésit desta modalidade conseguiuno o CEP Riomaior de Vilaboa por "A mellor recicl-arte non Museo" e recibirá 200 euros.
Na categoría alevín gañou Nee Barros Fernández, de Marín, por "Algunha vez chegan tarde" (un premio dotado con 1.500 euros) e en cadete (modalidade reservada a alumnado de Bacharelato, graos medios e FP básica) o primeiro premio recaeu no IES Sánchez Cantón de Pontevedra pola curta "Cousas do Museo", recoñecido con 2.000 euros.