A Xunta licita as obras de reparación na ponte da Barca
Por Redacción
A Consellería de Infraestruturas e Vivenda publica este venres no Diario Oficial de Galicia (DOG) a licitación das obras de reparación da ponte da Barca, por un investimento de máis de 1,2 millóns de euros.
O prazo para a presentación de ofertas para realizar este proxecto rematará o vindeiro 7 de marzo.
O obxecto do contrato é mellorar o estado de conservación da estrutura existente sobre o Lérez que presenta certos danos polo paso do tempo. A Xunta puntualiza que estas carencias non supoñen un problema estrutural, pero é conveniente reparalas para garantir a durabilidade e alongar a vida útil da ponte.
O proxecto contempla operacións de mantemento para aumentar a durabilidade da estrutura, que incluirán o selado de fisuras, a mellora da drenaxe mediante a colocación de baixantes que faciliten a evacuación das augas e a reparación dos sumidoiros e o repintado da ponte.
Tamén se levará a cabo a substitución da marquesiña polo mal estado da cubrición e da madeira. Construirase unha nova estrutura de madeira cun tratamento protector e deseñada para evitar a acumulación de auga, e con cuberta de aluminio para garantir a súa durabilidade. Ademais iluminarase a ponte e a calzada con proxectores led.
Relacionadas:
-
Mosquera critica que o proxecto da Xunta para a ponte da Barca incumpre a normativa autonómica
Por Natalia Puga | Creada e actualizada
-
A Xunta, disposta a suprimir un carril na ponte da Barca se hai acordo entre Pontevedra e Poio
Por Alejandro Espiño |
-
A "nova" ponte da Barca estreará marquesiña e iluminación pero, por agora, coas mesmas beirarrúas
Por Alejandro Espiño |
-
Rueda anuncia que está moi avanzado o proxecto de reforma da ponte da Barca
Por Redacción |
-
Propoñen reformar a Ponte da Barca: sentido único para coches, dobre para bicicletas e beirarrúas amplas
Por Redacción |